FOTOS DO ITINERARIO MEDIOAMBIENTAL NO TRAMO DO LITORAL QUE VAI DENDE PUNTA HORNANDA ATA PORTO DO SON NA RÍA DE MUROS E NOIA

w Estas fotos fixéronse o día 14 de febreiro do ano 2006 por Pablo Gómez Segade, profesor no IES de Sar de Santiago de Compostela.

PULSANDO EN CADA FOTO ACCÉDESE A UNHA IMAXE MAIOR DA MESMA

PRAIA DE BOA GRANDE

1.- Lixo no cantil do punto 1 da praia de Boa Grande.

2.- Refugallos de materiais de construcción no cantil.

3.- Cobertura excesiva de algas nas rochas na base do cantil. O exceso de algas pode deberse á progresiva eutrofización da costa.

4.- Panorámica da praia dende o cantil coas casas invadindo a zona supralitoral.

5.- Participantes na saída, na baixada do cantil á praia de Boa Grande.

6.- Lixo diverso na parte central da praia.

7.- Lixo na zona supralitoral no medio da praia de Boa Grande.

8.- Impacto visual do parque eólico situado sobre os montes Xuruxú e Campo Grande. En primeiro plano, algas na zona mesolitoral.

9.- Detalle do parque eólico.

10.- Eiruga mariña (Cakile maritima).

11.- Vertedoiro incontrolado no medio da zona supralitoral da praia.

12.- Actividade marisqueira na zona oeste da praia, xa preto do porto.

13.- Casas asentadas na mesma zona supralitoral da praia.

14.- Rego xunto a unha canle de augas pluviais e posiblemente tamén residuais. Destacan impactos como o tellado en lousa negra e a liña do tendido eléctrico na mesma praia.

15.- Zona do porto con abundancia de algas e moluscos bivalvos na area. Vese entre o lixo unha caixa de poliestireno branco. Destaca o impacto da liña de conducción eléctrica na mesma area.

16.- Varias das especies de moluscos bivalvos presentes no areal.

PRAIA DAS GAVIOTAS

17.- Acceso á praia das Gaviotas preto dunha pequena masa de ameneiros, posible resto do bosque galería do regato Hornanda.

18.- Parte central da praia, con restos do antigo sistema dunar na zona supralitoral. Á dereita, contedores de lixo ocupando parte da pista.

19.- Leiteira, herba leiteira (Euphorbia paralias), presente no areal.

20.- Regato Hornanda desembocando completamente encanado.

21.- Desembocadura parcialmente entullada do regato Hornanda.

22.- Xunqueira na marxe esquerda da desembocadura do regato Hornanda.

23.- Impacto visual dun muro de formigón dunha pista de tenis colindante ao carreiro que conduce ao cabo de Punta Gata.

24.- Tubería oca vertical con sinais de oxidación (¿para algún tipo de sinalización ou para secar material?). No fondo, a praia das Gaviotas.

25.- Caseta de cemento no cantil do cabo Punta Gata.

26.- Barronca neste cantil con restos metálicos oxidados.

27.- Sistema de diaclasas en ángulo de 30º no cantil sur da praia.

28.- Canaval preto do cantil norte da praia das Gaviotas.

29.- Á esquerda da imaxe, o canaval na parte de duna fixa. No fondo, bosquete de piñeiro bravo no cantil norte desta praia.

30.- Vexetación de compostas e gramíneas no ascenso ao cantil.

31.- Seixo* e granito de dúas micas hercínico na superficie do cantil.

32.- Gramíneas e toxos dominando a flora da superficie do cantil.

33.- Camping na parte traseira do cantil de Hornanda.

34.- Vertedoiro ilegal de cascallos de obras xunto ao camping.

35.- Vexetación rupícola: Matafogo (Fumaria muralis).

36.- Vexetación rupícola na base do muro que rodea o camping, incluíndo entre outras especies o couselo (Umbilicus pendulinus), o matafogo e a herba leiteira (Euphorbia paralias), etc.

37.- Restos de madeiras no solo do piñeiral.

38.- Procesionaria do piñeiro en fila (Thaumetopoea pityocampa).

39.- Panorámica da ría dende o cantil norte da praia das Gaviotas.

40.- Gaivotas aportando o elemento biolóxico á paisaxe.

41.- Pías no granito do cantil, un exemplo de erosión diferencial.

42.- Erosion no granito a favor das diaclasas. Destacan  o filón de seixo á dereita e varios de pegmatitas no centro.

43.- Filón de seixo nunha diaclasa, orixinada posiblemente por descompresión despois do levantamento de Galicia no Terciario.

44.- Masas de pegmatitas, moi abundantes no cantil norte da praia das Gaviotas.

45.- Armeria maritima no centro e o lique Xantoria parietina predominando na superficie das rochas.

PRAIA DE AGUIEIRA E DA POZA

46.- Acceso principal á praia de Aguieira, co notable impacto das obras e casas no mesmo punto da entrada.

47.- Chanzos na area da zona mesolitoral na parte media da praia, causados polas fortes mareas do inverno, xusto diante das dunas embrionarias coroadas pola grama Agropyrum junceum.

48.- Servizo de duchas e medidas de protección do canaval na parte media da praia.

49.- Cultivos na beira esquerda do camiño de acceso principal á praia na súa parte central.

50.- Chegada do río Cans ao canaval na parte central da praia. Destacan o lixo e o mal estado das madeiras da ponte.

51.- Acceso á parte oeste da praia da Aguieira, con restos de obras de construcción e da limpeza das fincas colindantes.

52.- A praia de Aguieira dende o suroeste, co sistema dunar e a lagoa causada polo esteiro do río Quintáns. Cultivos en primeiro plano.

53.- Sistema dunar e os meandros do río Quintáns formando a lagoa e a marisma da dereita, con abundancia de aves nas súas augas. Vese o impacto do tellado de lousa nalgunha das casas.

54.- Lagoa en marea baixa, con abundantes algas verdes no fondo e nas beiras. Detrás, vese a erosión intensa na montaña amosando a superficie en rocha viva.

55.- Punta Aguieira en marea baixa. Aprézase unha construcción no mesmo cabo e, noutro lado da ría, o parque eólico sobre os montes Xuruxú, Campo Grande e A Devesa, entre outros.

56.- No alto da duna na zona de Punta Aguieira as cercas de cemento cos postes de servizos de telefonía e conducción eléctrica invaden a propia duna, a cal queda parcialmente ocupada polas fincas privadas.

57.- Os muros de formigon e o tendido eléctrico tamén invaden a duna despois de dobrar Punta Aquieira, xa na praia da Poza.

58.- Praia da Poza situada xusto ao oeste de Puna Aguieira

.59.- Camiño na mesma duna móbil, a nivel da praia da Poza, para dar acceso ao chalé da punta. O impacto ambiental evidente contrasta coa beleza da cor dorada da area nesta hora ao sol da tarde.

PRAIAS DE PORTO DO SON E SUBIGRESA

60.- Estrada e paseo marítimo que enlaza o pobo de Porto do Son coa igrexa do cemiterio, detrás do cal se sitúa a praia. A paisaxe é  antrópica, con casas que rompen a continuidade do verde e da praia.

61.- Praias de Porto do Son e Subigrexa, illadas polas rochas centrais; hoxe a diminución da area pola acción humana sobre a dinámica litoral, fai que estes dous areais estean divididos.

62.- Detalle do muro de formigón sobre o que baten as ondas acrecentando o seu poder erosivo. Á dereita, obsérvase  o túnel polo que desemboca o rego de Portovello totalmente encanado.

63.- Praia de Subigrexa, areal que, en realidade, forma unha unidade xunto coa praia de Porto do Son. Vese parte do antigo canaval e, detrás, a duna embrionaria en fase de colonización.

64.- Praia de Subigrexa, con grandes coios na zona mesolitoral, e bastante lixo na zona supralitoral. Á dereita, rochas da Punta Caveiro.

65.- Barlovento da duna da praia de Subigrexa. Á dereita, o piñeiral oponse ao avance da duna móbil terra adentro.